5️⃣ Фермердик чарба гранттык колдоо алышты. TES- окутуу жана кеңеш берүү борбору USAIDдин «Агросоода» долбоорунун колдоосу менен биргеликте сүттүн өндүрүмдүүлүгүн жогорулатуу жана сүт секторун өнүктүрүүгө багытталган долбоорду ишке ашырууда. Аталган долбоордун алкагында 5 фермердик чарбадагы сүттүн өндүрүмдүүлүгүн жогорулатуу максатында гранттык колдоо каралган.

“TES-борбору” коомдук фонду БУУнун өнүктүрүү программасынын “Борбордук Азияда соодага көмөк көрсөтүү” долбоорунун алкагында Финляндия Өкмөтү тарабынан каржыланган “Табигый балдын кошумча нарк чынжырчасын бекемдөө” компонентин ишке ашырууда. Долбоордун алкагында 7-октябрь күнү Бишкек шаарында “Балдын сапатын жакшыртуу аркылуу Кыргыз Республикасында балдын экспорттук потенциалын жогорулатуу” темасында улуттук тегерек стол уюштурулган.

15, 17, 22-октябрь күндөрү Ош облусунун Кара-Суу районунда сүттүн өндүрүмдүүлүгүн жогорулатуу жана сүт секторун өнүктүрүү максатында USAIDдин «Агросоода» долбоорунун колдоосу жана TES-борбору/@tes.centre менен кызматташтыкта талаа күндөрү өткөрүлүп жатат.

«Жерди айдабай себүү ыкмасы» дыйкандардын арасында кызыгууну жаратып жатат. ❗️Биздин башкы каарман Жумаматов Камил жаңы ыкма менен буудай айдап, жакшы жыйынтыктарга жетишип жатат. Талаанын абалы эң жакшы, түшүм өткөн жылга салыштырмалуу жогору жана чыгымдар бир топ аз.

2024-жылдын 16-19-июль күндөрү "Кошумча нарк чынжырчасын Агрофинансылоо" долбоорунун алкагында Ош облусунун Чоң-Алай районунда үрөндүк картошка инспекциясы боюнча Нидерландык эксперттин миссиясы болуп өттү. Визиттин максаты жергиликтүү талаа инспекторлорун даярдоо боюнча практикалык окуу өткөрүү болду. Окутуунун катышуучуларынын арасында КР Айыл чарба министрлигинин Айыл чарба өсүмдүктөрүн экспертизалоо департаментинин райондогу бөлүмдөрүнүн өкүлдөрү болушту.

🐝🍯 Кыргызстандагы балчылар дуушар болгон негизги көйгөйлөрдүн бири аары чарбаларын натыйжалуу башкаруу жана экспорттук мүмкүнчүлүктөр. Тереңирээк маалымат алуу үчүн Ысык-Көл облусунун Тогуз-Булак айылынан Жайлообай Бектурсуновду кыдырып келдик.