XIAME көргөзмөсү Кытайдагы айыл чарба тармагындагы ири эл аралык аянтчалардын бири болуп саналат. Иш-чаранын негизги темасы — акылдуу айыл чарба, интеллектуалдык айыл чарба техникалары жана айыл аймактарын модернизациялоо болду.

Көргөзмөнүн алкагында катышуучулар заманбап айыл чарба техникалары, сугат системалары, санариптик башкаруу чечимдери жана агрардык сектордогу инновациялык технологиялар менен таанышышты. Ошондой эле эл аралык компаниялар жана тармактык уюмдардын өкүлдөрү менен жолугушуулар өткөрүлүп, тажрыйба алмашуу жана келечектеги кызматташуу мүмкүнчүлүктөрү талкууланды.

Мындай эл аралык иш-чараларга катышуу Кыргызстандагы айыл чарба секторун өнүктүрүүгө, жаңы технологияларды жайылтууга жана эл аралык өнөктөштүктү чыңдоого өбөлгө түзөт.