ru
/
en
/
ky
  Караколдо аарычылар үчүн органикалык жана заманбап аарычылык боюнча тренинг өтүүдө
Karakol, July 5 — A training course for beekeepers is being held in the city of Karakol, organized by the TES Centre for Training and Consulting as part of the UNDP project “Trade Facilitation,” implemented with financial support from the Government of Finland. The aim of the event is to strengthen the honey value chain and increase the competitiveness of products in domestic and foreign markets.

Караколдо аарычылар үчүн органикалык жана заманбап аарычылык боюнча тренинг өтүүдө

Каракол, 5-июль – Каракол шаарында БУУӨПтүн Финляндия Өкмөтүнүн каржылык колдоосу менен ишке ашырылып жаткан "Соодага көмөк көрсөтүү" долбоорунун алкагында Окутуу жана кеңеш берүү борбору (TES-борбору) тарабынан уюштурулган аарычылар үчүн тренинги өтүүдө. Иш-чаранын максаты – балдын кошумча нарк чынжырын чыңдоо жана ички, тышкы рыноктордо продукциянын атаандаштыкка жөндөмдүүлүгүн жогорулатуу.

Тренингге ар кайсы райондордон 20 аарычы катышууда, алардын арасында 6 аял бар, алар салттуу түрдө эркектердин кесиби деп эсептелген бул тармакты жигердүү өздөштүрүп жатышат. Катышуучулардын арасында аарычылыкка жаңыдан киришип жаткан башталгычтар да, органикалык өндүрүшкө өтүүнү жана заманбап технологияларды киргизүүнү көздөгөн тажрыйбалуу аарычылар да бар.

Тренингди тажрыйбалуу аарычы жана туруктуу айыл чарба тармагындагы эксперт Юсупов Музаффар өткөрүүдө. Ал аарычылардын реалдуу муктаждыктарына жана заманбап рыноктун талаптарына, анын ичинде экологиялык таза балга болгон өсүп жаткан суроо-талапка багытталган программаны иштеп чыккан.

"Бүгүнкү күндө сатып алуучулар балдын кантип өндүрүлгөнүнө: химиялык заттар колдонулдубу, чарба жүргүзүү ыкмалары канчалык туруктуу экендигине көбүрөөк кызыгышат. Биз аарычыларга бул чакырыктарга ыңгайлашууга жана практикалык, экологиялык таза чечимдерди табууга жардам беребиз", - деп белгиледи Юсупов Музаффар.

Окуу программасынын алкагында катышуучулар негизги темалар менен таанышышат:

  • Экологиялык жана органикалык аарычылык принциптери;
  • Өндүрүмдүүлүктү жогорулатуу үчүн заманбап уюк типтерин колдонуу;
  • Продукциянын табигый сапаттарын сактаган балды чогултуу жана кайра иштетүүнүн альтернативдик ыкмалары;
  • Аарыларды оорулардан жана мителерден коргоо үчүн биотехнологиялар;
  • Аарычылык чарбаларында күн энергиясын колдонуу;
  • Биологиялык ар түрдүүлүктү жогорулатуу ыкмалары, анын ичинде балдуу талааларды түзүү, аэропондук жана вертикалдык бакчалар, ошондой эле күн батареяларында иштеген электр койчулар;
  • Аары үй-бүлөлөрүн көзөмөлдөө үчүн дрондорду колдонуу жана аарылар үчүн экологиялык таза тоюттарды иштеп чыгуу.

Семинарда катышуучулар ортосундагы тажрыйба алмашууга, практикалык чечимдерге жана аарычылар азыркы шарттарда туш болгон актуалдуу көйгөйлөрдү талкуулоого өзгөчө көңүл бурулат.

"Мен үчүн кичинекей аарычылык чарбасын да туруктуу жана экологиялык таза кылууга болоору чоң ачылыш болду. Мен күн панелдерин орнотуп, уюктарды жакшыртууну пландап жатам – эми эмнеден баштоону так түшүнөм", - деп Боконбаев айылынан келген катышуучу Төлөнбай уулу Марат өз таасирлери менен бөлүштү.

БУУӨП "Соодага көмөк көрсөтүү" долбоору Кыргызстандын айыл чарба экономикасынын маанилүү бөлүгү катары аарычылыкты өнүктүрүүнү колдоону улантууда, бул өзгөчө аялдардын жана айыл жаштарынын арасында жумуш орундарын жогорулатууга жана экологиялык таза продукцияга базарда суроо-талаптын жогору болушуна өбөлгө түзөт.